CURSO DE CULTURA TRADICIONAL
.
A Asociación Cultural “Cantigas e Frores” ven organizando
de xeito continuado, dende o ano 1982, este curso
no que se ofertan ensinanzas relacionadas coa cultura tradicional
galega. O curso, dende o seu comezo, celébrase nas datas
da semana santa.
Durante os seus moitos anos ininterrumpidos de vida, o curso mantivo unha estructura
dinámica que se foi adaptando ás demandas do alumnado
asistente e ás tendencias do momento no relativo ao ensino
dos diversos aspectos relacionados coa nosa cultura tradicional.
Naceu no ano 1982 impulsado por Julio Mendez y Menendez de Llano,
quen permaneceu coma director do mesmo ata o ano 2.002. O curso iniciouse
co ánimo de unificar un método de ensino entre os mestres
de baile tradicional galego.
Ata o ano 1992 o curso estivo adicado ao seu obxectivo primixenio
e somentes se imparten, de xeito práctico, aulas de baile galego.
Estas aulas compaxinábase coa celebración de conferencias
impartidas por significativos persoeiros vencellados á cultura
tradicional galega entre os que podemos nomear a: Roxelio Groba e
Groba, Francisco Luengo, Xosé Manuel González Reboredo,
Xoaquín Lorenzo Fernández, Paco Martín, José
Ramón Mariño Ferro, Marcial Gondar Portosany, José
Tuñas Bouzón, Ramón Piñeiro Lopez, Xosé
Trapero Pardo, Dario Xohan Cabana, Francisco Calo Lourido, etc.
A partir do ano 1992, e atendendo
ao grande interese que acada nesta década o aprendizaxe
da nosa música tradicional, comenzan a impartirse aulas dos
distintos instrumentos propios da música galega. Así
chegamos á actualidade, impartindo 5 especialidades (baile
galego, gaita, percusión, canto e pandeireta, zanfona) nas
que se compaxinan os aspectos teóricos cos aspectos prácticos.
No ano 2003 o curso cambia a súa dirección, que recae en membros da xunta directiva da asociación
“Cantigas e Frores”. Nestes últimos anos os esforzos
céntranse en traer a Lugo un profesorado de calidade que suscite
o interese do alumnado abarcando todos os estilos e escolas
vixentes na música e baile galegos. Polo curso pasaron mestres
de renome como: Xaquin Xesteira, Ivan Costa Blanco, Anxo Lois Pintos,
Francisco Estevez “chuco”, Oscar Fernandez Sanjurjo, Xose
Lois Romero Cagigal, Luis Prego Fernandez, Suso e Pepe Vaamonde Manteiga,
Daniel Bellón, Ugia Pedreira, Germán Díaz, Luis
Correa “O Caruncho”, entre outros.
Inscricións e Información
Práctica
Nas últimas edicións, a duración
do curso foi de tres días, aínda que en anteriores ocasións
ten cuberto a Semana Santa completa. O horario ocupa normalmente todo o día,
dende as 9:30 da mañá ata as 20:00 do serán.
No
referente ás incricións pódense facer dende a realización da convocatoria do curso, momento en que a Asociación, fai comunicacións á prensa local e de ámbito galego, aos socios e
a outros colectivos, e publicita nas redes sociais o evento e o xeito de realizar as inscricións.
O prazo de inscripcións
remata no momento que se cubren as prazas de cada especialidade.
En todo momento pódese consultar calquera dúbida por medio dos datos de CONTACTO da Asociación.
Obxectivos do Curso
Dende “Cantigas e Frores” temos
fixados os seguintes os obxectivos:
1. Darlle continuidade no tempo a este curso, que foi un dos primeiros
de este tipo en celebrarse na península, e que se ven organizando
de xeito periódico e ininterrumpido dende 1982.
2. Ofertar dende esta asociación a posibilidade de que as persoas
interesadas poidan recibir ensinanzas de mans dos mellores mestres
nas respectivas especialidades, sempre baixo criterios de calidade.
3. Crear un tempo e un lugar de encontro para que as persoas vencelladas
á cultura tradicional galega podan compartir experiencias e
así manter vivo un dos piares básicos da nosa identidade
e do noso feito diferencial.
4. Manter esta actividade na cidade de Lugo, que sempre foi referente
na música tradicional galega.
Especialidades
As
especialidades habituais impatidas do curso son as seguintes:
1. Técnicas de gaita
2. Técnicas de canto e pandeireta
3. Técnicas de percusión tradicional
4. Técnicas de baile tradicional
5. Técnicas de zanfona
Patrocinio
É complexo acadar os medios requiridos para desenvolver estas actividades. Durante a historia do curso teñen sido varios os organismos e entidades colaboradoras, como foron a Xunta de Galicia ou a SA do Xacobeo, sendo nos últimos anos a Deputación Provincial de Lugo e o Excmo. Concello
de Lugo, este último coa cesión dos locais onde de levan a cabo as clases. Tamén
colabora connosco a cotío a Asociación de Gaiteiros Galegos. Nalgunhas ocasións puntuais foi a propia Asociación a que tivo que proporcionar todos os medios materiais e humanos para realizar o curso, cuxas actividades puidéronse levar a cabo gracias ao carácter fortemente asociacionista e desinteresado dos membros de Cántigas e Frores.
Alumnado
A maior parte dos participantes
son músicos en activo ou alumnos/as de diferentes escolas de
música tradicional. Tamén asisten a estes cursos mestres
que imparten aulas en escolas de música tradicional, en asociacións
culturais, centros galegos ou no ensino reglado. Acude alumnado de toda a xeografía galega, de centros galegos
de todo o mundo. Músicos tradicionais de culturas afíns
á galega (Portugal, Escocia, ...).
XXV ANIVERSARIO
No ano 2007, e co gallo de celebrar
os 25 anos, ademáis das aulas propias do curso, Cantigas e
Frores fixo un esforzo extraordinario para programar actividades que
se servisen para conmemorar este aniversario, incluíndo unha maior documentación de man para os participantes, realización de exposicións fotográficas, concertos didácticos, presentacións e roldas de prensa cos medios de comunicación locais e de ámbito galego.
